To Infinity and Beyond

Magpapatuloy ang buhay

Sa pangangarap na sana'y hindi nawala
Ano pa nga ba ang natira
Kundi kupas na larawan ng mga alaala
At malabong pag-asa na madugtungan muli
Ang ugnayang kay tamis na biglang winakasan

Alin pa ang hindi batid

Sa napakalinaw na dahilan

Ngunit napakalabong basehan
Sa lahat ng sakit na dinaranas
Lubhang nakakapanglumo
Ang katotohanang pilit itinatanggi

Kung kaya't hayaan na lamang
Itong kirot ng nakaraan

At matapat na pagsinta'y

Manatili sa matimtimang puso
magpakailanman...